ಗಂಗಾವತಿ ತಹಶೀಲ್ದಾರ್ ಕಚೇರಿಯಲ್ಲಿ ಆವಕ-ಜಾವಕ ಹೆಸರಿನಲ್ಲಿ ಬರೀ ಕೈಬರಹದ ನಾಟಕ! ಅರ್ಜಿ ನಂ 1681ಕ್ಕೆ 40 ದಿನದಿಂದ ಉತ್ತರವೇ ಇಲ್ಲ – ವಾಲ್ಮೀಕಿ ಮುಖಂಡ ಜೋಗಿನ್ ರಮೇಶ್ ನಾಯಕ ಗಂಭೀರ ಆರೋಪ…
ಗಂಗಾವತಿ, ಸೆ.08:ಗಂಗಾವತಿ ತಹಶೀಲ್ದಾರ್ ಕಚೇರಿಯಲ್ಲಿ ಸರ್ಕಾರದ ಎಲ್ಲಾ ಆವಕ-ಜಾವಕ ಆನ್ಲೈನ್ನಲ್ಲಿ ಆಗಬೇಕು ಎಂಬ ನಿಯಮವಿದ್ದರೂ, ಇಂದಿಗೂ ಕಂಪ್ಲೇಂಟ್ ಕಾಪಿ ಬುಕ್ನಲ್ಲಿ ಕೈಬರಹದಲ್ಲಿ ಬರೆದುಕೊಂಡು ಅರ್ಜಿಗಳನ್ನು ಗಾಳಿಗೆ ತೂರುವ ಕೆಲಸ ನಡೆಯುತ್ತಿದೆ. ಇದಕ್ಕೆ ಸಾಕ್ಷಿ – ಪರಿಶಿಷ್ಟ ಪಂಗಡದ ವಾಲ್ಮೀಕಿ ಸಮುದಾಯದ ಮುಖಂಡ *ಜೋಗಿನ್ ರಮೇಶ್ ನಾಯಕ್ ಅವರ ಅರ್ಜಿ ಸಂಖ್ಯೆ 1681.**ಸಾಕ್ಷಿ ಸಮೇತ ದೂರು ಏನು?*ಜೋಗಿನ್ ರಮೇಶ್ ನಾಯಕ್ ಅವರು ತಮ್ಮ ಕುಟುಂಬದ ದೇವದಾಸಿ ಹಿನ್ನೆಲೆ ಮತ್ತು ಇತಿಹಾಸಕ್ಕೆ ಸಂಬಂಧಿಸಿದಂತೆ ದಾಖಲೆ ಕೇಳಿ *ದಿನಾಂಕ 28-07-2026 ರಂದು* ತಹಶೀಲ್ದಾರ್ ಕಚೇರಿಯಲ್ಲಿ ಅರ್ಜಿ ಸಲ್ಲಿಸಿದ್ದರು. ಕರ್ನಾಟಕ ಸರ್ಕಾರದ *ಸಾಮಾನ್ಯ ಸ್ವೀಕೃತಿ ರಿಜಿಸ್ಟರ್ (FORM-1) ಕ್ರಮ ಸಂಖ್ಯೆ 1681 ರಲ್ಲಿ* ಅವರ ಹೆಸರು *”ಅರ್ಜಿದಾರರ ಹೆಸರು ನಂಬಮ್ಮ ಗಂಡ ಹುಲುಗಪ್ಪ ಜೋಗಿನ್ – ದೇವದಾಸಿ ಪದ್ಧತಿಯ ಐತಿಹಾಸಿಕ ಸಾಮಾಜಿಕ ಸಂಬಂಧ”* ಎಂದು ದಾಖಲಾಗಿದೆ.ಅದನ್ನು *ವಿಷಯ ಪರಿಶೀಲಕರು (Case Worker) ದಿನಾಂಕ 30-07-2026 ರಂದು* ಕಡತ ತೆಗೆದುಕೊಂಡಿದ್ದಾಗಿ ಸಹಿ ಮಾಡಿದ್ದಾರೆ.*ಆದರೆ 28-07-2026 ರಿಂದ ಇಂದಿನವರೆಗೆ (08-09-2026) 42 ದಿನ ಕಳೆದರೂ:*- ಯಾವುದೇ ಲಿಖಿತ ಹಿಂಬರಹ ನೀಡಿಲ್ಲ- ಆನ್ಲೈನ್ ಆವಕ-ಜಾವಕ ಸಂಖ್ಯೆ ನೀಡಿಲ್ಲ- ಸಕಾಲ ಕಾಯ್ದೆ ಅಡಿ ಸೇವೆ ನೀಡಿಲ್ಲ*”ಇವತ್ತು ಬಾ ನಾಳೆ ಬಾ, ಎಲ್ಲಿಗೆ ಹೋಗ್ತೀಯ ಹೋಗು” ಎಂದು ನಿಂದನೆ:*”ಕಚೇರಿಗೆ ಹೋದರೆ ಸಂಬಂಧಪಟ್ಟ ಅಧಿಕಾರಿಗಳು ‘ಇವತ್ತು ಬಾ, ನಾಳೆ ಬಾ’ ಎಂದು ಸತಾಯಿಸುತ್ತಾರೆ. ಕೇಳಲು ಹೋದರೆ ‘ನೀನು ಎಲ್ಲಿಗೆ ಹೋಗ್ತೀಯ ಹೋಗು, ಏನು ಮಾಡ್ಕೊತೀಯ ಮಾಡ್ಕೋ, ನಮ್ಮನ್ನು ನೀನು ಏನು ಮಾಡಕ್ಕಾಗಲ್ಲ’ ಎಂದು ನಿಂದಿಸುತ್ತಾರೆ. ಕೇವಲ ನಾನು ದೇವದಾಸಿ ಕುಟುಂಬ ಮತ್ತು ಪರಿಶಿಷ್ಟ ಪಂಗಡದ ವಾಲ್ಮೀಕಿ ಜನಾಂಗಕ್ಕೆ ಸೇರಿದವನು ಎಂಬ ಕಾರಣಕ್ಕೆ ಈ ತಾರತಮ್ಯ” ಎಂದು ಜೋಗಿನ್ ರಮೇಶ್ ನಾಯಕ್ ಕಣ್ಣೀರು ಹಾಕಿದ್ದಾರೆ.ಫೋಟೋದಲ್ಲಿ ಕೈಯಲ್ಲಿ ಅರ್ಜಿ ಹಿಡಿದು ತಹಶೀಲ್ದಾರ್ ಕಚೇರಿ ಎದುರು ನಿಂತಿರುವ ಅವರ ದುಃಸ್ಥಿತಿಯೇ ಇದಕ್ಕೆ ಸಾಕ್ಷಿ.*ಇದು ಸರ್ಕಾರದ ಆದೇಶ ಉಲ್ಲಂಘನೆ:*ಕರ್ನಾಟಕ ಸರ್ಕಾರದ ಆದೇಶದ ಪ್ರಕಾರ ಎಲ್ಲಾ ಆವಕ-ಜಾವಕಗಳು *ಇ-ಆಫೀಸ್ ಮತ್ತು ಸಕಾಲ ಪೋರ್ಟಲ್ನಲ್ಲಿ ಆನ್ಲೈನ್* ಆಗಬೇಕು. ಆದರೆ ಗಂಗಾವತಿ ತಹಶೀಲ್ದಾರ್ ಕಚೇರಿಯಲ್ಲಿ ಇಂದಿಗೂ ಹಳೆಯ ಕಾಪಿ ಬುಕ್ನಲ್ಲಿ ಬರೆದುಕೊಂಡು, ಅರ್ಜಿದಾರರಿಗೆ ಯಾವುದೇ ಸ್ವೀಕೃತಿ ಚೀಟಿ, ಆನ್ಲೈನ್ ನಂಬರ್ ನೀಡದೆ ಕಣ್ಮರೆ ಮಾಡಲಾಗುತ್ತಿದೆ. ಇದು ಭ್ರಷ್ಟಾಚಾರಕ್ಕೆ ದಾರಿ ಮಾಡಿಕೊಟ್ಟಂತಾಗಿದೆ.*ನಮ್ಮ ಆಗ್ರಹ:*1. ಅರ್ಜಿ ಸಂಖ್ಯೆ 1681 ದಿನಾಂಕ 28-07-2026 ಕ್ಕೆ ಸಂಬಂಧಿಸಿದಂತೆ ವಿಷಯ ಪರಿಶೀಲಕರು 30-07-2026 ರಂದು ತೆಗೆದುಕೊಂಡ ಕಡತ ಏನಾಯಿತು? ಇಲ್ಲಿಯವರೆಗೆ ಏಕೆ ಉತ್ತರ ನೀಡಿಲ್ಲ ಎಂದು ತನಿಖೆ ನಡೆಸಬೇಕು.2. ಆವಕ-ಜಾವಕವನ್ನು ಆನ್ಲೈನ್ ಮಾಡದೆ ಕೈಬರಹದಲ್ಲಿ ನಿರ್ವಹಿಸುತ್ತಿರುವ ಅಧಿಕಾರಿಗಳು ಮತ್ತು ಸಿಬ್ಬಂದಿ ವಿರುದ್ಧ ಕೂಡಲೇ ಇಲಾಖಾ ತನಿಖೆ ನಡೆಸಿ ಅಮಾನತುಗೊಳಿಸಬೇಕು.3. ದೇವದಾಸಿ ಕುಟುಂಬದ ದಾಖಲೆ ಕೇಳಿದ ಅರ್ಜಿದಾರನಿಗೆ “ಎಲ್ಲಿಗೆ ಹೋಗ್ತೀಯ ಹೋಗು” ಎಂದು ನಿಂದಿಸಿದ ಅಧಿಕಾರಿಗಳ ವಿರುದ್ಧ *SC/ST ದೌರ್ಜನ್ಯ ತಡೆ ಕಾಯ್ದೆ* ಅಡಿ ಪ್ರಕರಣ ದಾಖಲಿಸಬೇಕು.4. ಜಿಲ್ಲಾಧಿಕಾರಿಗಳು ಮಧ್ಯಪ್ರವೇಶಿಸಿ ನನಗೆ ದೇವದಾಸಿ ಕುಟುಂಬದ ಸರ್ಕಾರಿ ಯೋಜನೆಯ ಫಲಾನುಭವಿ ದಾಖಲೆಗಳನ್ನು ಕೂಡಲೇ ಒದಗಿಸಬೇಕು.ಒಂದು ವೇಳೆ 3 ದಿನದೊಳಗೆ ಕ್ರಮ ಕೈಗೊಳ್ಳದಿದ್ದರೆ, ನಾನು ಜಿಲ್ಲಾಧಿಕಾರಿ ಕಚೇರಿ ಎದುರು ಕುಟುಂಬ ಸಮೇತ ಧರಣಿ ಮತ್ತು ರಾಜ್ಯ ST ಆಯೋಗ ಹಾಗೂ ಲೋಕಾಯುಕ್ತಕ್ಕೆ ದೂರು ನೀಡುತ್ತೇನೆ ಎಂದು ಜೋಗಿನ್ ರಮೇಶ್ ನಾಯಕ ಎಚ್ಚರಿಕೆ ನೀಡಿದ್ದಾರೆ. ವರದಿ: ಗಂಗಾವತಿ
