ಹಿರಿಯ ಪತ್ರಕರ್ತ ಸುದರ್ಶನ್ ವೈದ್ಯ – ಸತ್ಯದ ಹಾದಿಯ ಸಂಚಾರಿ..
ಹಿರಿಯ ಪತ್ರಕರ್ತ ಸುದರ್ಶನ್ ವೈದ್ಯ – ಸತ್ಯದ ಹಾದಿಯ ಸಂಚಾರಿಸಮಾಜದ ನಾಡಿಯನ್ನು ಹಿಡಿದು ಅದರ ಧ್ವನಿಯನ್ನು ಜನರಿಗೆ ತಲುಪಿಸುವ ಕೆಲಸ ಪತ್ರಕರ್ತನದು. ಆ ಪವಿತ್ರ ವೃತ್ತಿಯನ್ನು ನಿಷ್ಠೆಯಿಂದ, ಧೈರ್ಯದಿಂದ ಮತ್ತು ಬದ್ಧತೆಯಿಂದ ನಿರ್ವಹಿಸುತ್ತಿರುವ ಹಿರಿಯ ಪತ್ರಕರ್ತರಲ್ಲೊಬ್ಬರು ಸುದರ್ಶನ್ ವೈದ್ಯರು. 1998ರಲ್ಲಿ ಹವ್ಯಾಸಿ ವರದಿಗಾರರಾಗಿ ನಾಡ ನುಡಿ ಪ್ರಜಾ ಪ್ರಪಂಚ ಸೇರಿದಂತೆ ಮತ್ತು ಪತ್ರಿಕೆಗಳಲ್ಲಿ ವಿವಿಧ ಸಂಘ ಸಂಸ್ಥೆಗಳ ವಿಶೇಷವಾಗಿ ಗಂಗಾವತಿ ಜೂನಿಯರ್ ಚೇಂಬರ್ ಕಾರ್ಯಕ್ರಮಗಳನ್ನು ವರದಿ ಮಾಡುವುದರ ಮೂಲಕ 2001ರಲ್ಲಿ ನಾಡ ನುಡಿ ದಿನಪತ್ರಿಕೆಯ ತಾಲೂಕ ವರದಿಗಾರರಾಗಿ 2015ರ ವರೆಗೆ ಕಾರ್ಯ ನಿರ್ವಹಿಸುವುದರ ಜೊತೆಗೆ. ಹೊಸಪೇಟೆ ಸ್ಟಾರ್. ಸಂಯುಕ್ತ ಕರ್ನಾಟಕ ಕಿತ್ತೂರು ಕರ್ನಾಟಕ ಮತ್ತಿತರ ಪತ್ರಿಕೆಗಳಲ್ಲಿ ಸೇವೆ ಸಲ್ಲಿಸಿದಸುದರ್ಶನ್ ವೈದ್ಯರು ಅನೇಕ ಪತ್ರಕರ್ತರನ್ನು ಬೆಳೆಸಿದ್ದಾರೆ. ಸುನಿತಾ ನಾಗರಾಜ ಹೇಮ ಗುಡ್ಡ. ಪಿ ವೆಂಕಟೇಶ್ವರ ರಾವ್. ಹನುಮೇಶ ಬಟಾರಿ. ವಿಜಯ ಇತರರಿಗೆ ಮಾರ್ಗದರ್ಶಕರಾಗಿ ಪತ್ರಿಕೋದ್ಯಮದಲ್ಲಿ ಸಾಧನೆ ಮಾಡಲು ಸಹಕಾರಿಯಾಗಿದ್ದಾರೆ ಪತ್ರಿಕೋದ್ಯಮ ಕ್ಷೇತ್ರದಲ್ಲಿ ಹಲವು ದಶಕಗಳ ಅನುಭವ ಹೊಂದಿದ್ದಾರೆ. ಸಮಾಜದ ಸಮಸ್ಯೆಗಳು, ಗ್ರಾಮೀಣ ಬದುಕಿನ ಸಂಕಷ್ಟಗಳು, ಆಡಳಿತದ ವೈಫಲ್ಯಗಳು ಮತ್ತು ಸಾಮಾನ್ಯ ಜನರ ಧ್ವನಿಯನ್ನು ಹೊರತೆಗೆದು ಬೆಳಕಿಗೆ ತರುವಲ್ಲಿ ಅವರು ಸದಾ ಮುಂಚೂಣಿಯಲ್ಲಿದ್ದಾರೆ.
ಅವರ ಬರವಣಿಗೆಯಲ್ಲಿ ಸ್ಪಷ್ಟತೆ, ವಿಚಾರದಲ್ಲಿ ತೀಕ್ಷ್ಣತೆ ಮತ್ತು ಸಮಾಜದ ಬಗ್ಗೆ ಕಾಳಜಿ ಸ್ಪಷ್ಟವಾಗಿ ಗೋಚರಿಸುತ್ತದೆ.ಅವರ ಲೇಖನಗಳು ಕೇವಲ ಸುದ್ದಿ ನೀಡುವುದಲ್ಲ, ಚಿಂತನೆಗೆ ಪ್ರೇರೇಪಿಸುತ್ತವೆ. ಅಧಿಕಾರದಲ್ಲಿರುವವರ ತಪ್ಪುಗಳನ್ನು ನಿರ್ಭೀತಿಯಾಗಿ ಪ್ರಶ್ನಿಸುವ ಧೈರ್ಯ ಮತ್ತು ಶೋಷಿತರ ಪರವಾಗಿ ನಿಂತು ನ್ಯಾಯದ ಧ್ವನಿಯಾಗುವ ಮನೋಭಾವವು ಅವರನ್ನು ವಿಶಿಷ್ಟರನ್ನಾಗಿಸಿದೆ. ಸತ್ಯವನ್ನು ಹುಡುಕುವ ಬದ್ಧತೆ ಮತ್ತು ನೈತಿಕ ಮೌಲ್ಯಗಳ ಪಾಲನೆ ಅವರ ವೃತ್ತಿಜೀವನದ ಮುಖ್ಯ ಆಧಾರಸ್ತಂಭಗಳಾಗಿವೆ.ಪತ್ರಕರ್ತಿಕೆ ಎಂದರೆ ಕೇವಲ ವೃತ್ತಿ ಅಲ್ಲ, ಅದು ಸಮಾಜ ಸೇವೆಯ ಒಂದು ರೂಪ ಎಂಬ ನಂಬಿಕೆಯನ್ನು ಅವರು ತಮ್ಮ ಕಾರ್ಯದ ಮೂಲಕ ಸಾಬೀತುಪಡಿಸಿದ್ದಾರೆ. ಪ್ರಸ್ತುತ ಹೊಸ ತಲೆಮಾರಿನ ಪತ್ರಕರ್ತರಿಗೆ ಅವರು ಮಾದರಿಯಾಗಿದ್ದು, ಪತ್ರಿಕೋದ್ಯಮದ ಮೌಲ್ಯಗಳನ್ನು ಉಳಿಸಿ ಬೆಳೆಸುವಲ್ಲಿ ಮಹತ್ವದ ಪಾತ್ರವಹಿಸಿದ್ದಾರೆ.ಸುದರ್ಶನ್ ವೈದ್ಯರಂತಹ ಹಿರಿಯ ಪತ್ರಕರ್ತರು ಇದ್ದಾಗಲೇ ಪ್ರಜಾಪ್ರಭುತ್ವದ ನಾಲ್ಕನೇ ಅಂಗವಾದ ಮಾಧ್ಯಮವು ಬಲವಾಗಿ ನಿಲ್ಲುತ್ತದೆ. ಅವರ ಕಾರ್ಯಚಟುವಟಿಕೆಗಳು ಮುಂದಿನ ಪೀಳಿಗೆಗೆ ಸ್ಪೂರ್ತಿಯಾಗಲಿ ಎಂಬುದು ಎಲ್ಲರ ಆಶಯ… ವಿಶೇಷ ಲೇಖನ. ಜೋಗಿನ್ ರಮೇಶ್ ನಾಯಕ್ ಸಂಪಾದಕರ ವಾಲ್ಮೀಕಿ ಅಸ್ತ್ರ ವಾಲ್ಮೀಕಿ ವೆಬ್ಸೈಟ್ ಹಾಗೂ ಪಾಕ್ಷಿಕ ಪತ್ರಿಕೆ ಗಂಗಾವತಿ
ಅವರ ಕಾರ್ಯಚಟುವಟಿಕೆಗಳು ಮುಂದಿನ ಪೀಳಿಗೆಗೆ ಸ್ಪೂರ್ತಿಯಾಗಲಿ ಎಂಬುದು ಎಲ್ಲರ ಆಶಯ.
